میڈیا لنکس

کامیاب انسانی ماڈل

انسانی تاریخ کی ساری کی ساری سوچ و بچار جس ہستی (محمد ﷺ) کو آج بھی دنیا میں سب سے پر اثر شخصیت مانتی ہے اس کی پیروی کرنے میں ہرج ہی کیا ہے؟ میرے خیال میں تو کامیاب انسانی ماڈل کی اس سے بڑی کوئی دلیل ہو نہیں سکتی۔

سوچ کی غذا

جس کو غصہ پینا نہیں آتا اس کی زندگی پچھتاوے کے سوا کچھ نہیں ۔
جو کوئی اپنے رازوں کا بوجھ خود نہیں اٹھا سکتا وہ دوسروں پر توقع یا شکوہ کیسے کر سکتا ہے ۔
کسی کے رازوں کا امین ہونا تو خالق کی صفتوں میں سے ہے ۔ اس صفت کے مالک دوست کو کبھی کھونا مت کیونکہ ایسے لوگ زندگی میں بہت کم ملتے ہیں
کچھ لوگ اسباب کے ساتھ جیتے ہیں اور کچھ نظریات کے ساتھ جو واقعی باکمال ہوتے ہیں
اگر آج ہمارے دلوں میں مسجد و ممبر کا مقام ہوتا تو یہ سارے چوہدری ، وزیر ، وزیراعظم اور صدر مسجد کے امام کیوں نہ ہوتے ؟
مسلمانو خدا کا خوف کرو اگر مسجدوں کو اللہ کا گھر سمجھتے ہو تو ان سے مسلک, فرقے اور نظریات کے پہرے ہٹا کر اس کے بندوں کو آزادی سے عبادت کرنے دو
آزمائے ہوئے نا اہل اور بدعنوان لوگوں سے اچھی امیدوں کی وابستگی بھی بیمار سوچ ہی کی ایک نشانی ہے ۔
انسان کی شکل و شباہت تو فقط پہچان ہے اصل شخصیت اس کی سوچ ہوتی ہے اور خالق کا احسان دیکھیے جو اس نے اس کے نکھار کا اختیار بھی خود انسان کو ہی سونپ دیا ہے وہ جتنا چاہے اپنی شخصیت کو سندھر بنالے
کامیابی کے لئے آسمان کی بلندیوں کو چھونا ضروری نہیں اس کی وسعتوں کو اپنے اندر سمو لینا ہی کافی ہے ۔
سمجھدار اور کامیاب انسان وہی ہے جو اپنی تخلیق کے مقصد کو پہچان کر اپنے حصے کا کردار ادا کرنے کی پوری کوشش کر رہا ہو اور اس دنیا میں دوسرے انسانوں کے کام آنے سے بڑا کوئی عمل نہیں
غصے کا تعلق اپنائیت ، بے تکلفی اور احساس سے بھی ہے مگر اس میں سامنے والے کو کمزور سمجھنے کا تاثر بھی ہوسکتا ہے جو قابل فکر ہے ۔ اور یاد رکھئے غصے سے اخلاقی، طبی اور نفسیاتی کمزوری کا انکار تو کسی صورت بھی ممکن نہیں۔
اگر انسان کے افضل ہونے کی بنیاد اس کا شعور ہے تو پھر اس کی تخلیق کا مقصد غور و فکر کے علاوہ ہو بھی کیا سکتا ہے ؟ تو پھر کیوں نہ اس کو تراش کر خالق کائنات کے شاہکار کو مزید قابل رشک بنایا جائے ۔۔
جو لوگ مسکراہٹ اور سلام میں پہل کو اپنی عادت ، حقیقت کو اپنا لباس ، صبر اور برداشت کو ڈھال ، خوش اخلاقی کو آلہ ، طبعیت میں ٹھہراو اور کم گوئی کو اپنی حکمت عملی بنا لیتے ہیں در حقیقت وہی کامیاب اور مثالی لوگ ہوتے ہیں۔۔

جمعرات، 2 اپریل، 2026

خوش کر دِتا ای ڈھول سپاہیا تینوں رب دیاں رکھاں

آج پاکستان دنیا میں سفارتکاری کا مرکز بنا ہوا ہے، امن کی تلاش میں مڈل ایسٹ سے لے کر نارتھ امریکہ تک ہر کسی کی نظریں پاکستان پر لگی ہوئی ہیں۔ ایران میں بارود کے دھوئیں کے اندر سے بھی سبز ہلالی پرچم لہراتی انسانی آوازوں میں پاکستان زندہ باد کے نعرے سنائی دے رہے ہیں۔ دنیا کی سپر پاور امریکہ بھی اس جنگ کے خاتمے کا حل پاکستان کے پاس سمجھ رہا ہے۔ 

یہ ایک مصمم حقیقت ہے کہ پاکستان خطے میں دفاعی صلاحیتوں کے اعتبار سے یکتا ہوتے ہوئے دنیا کی دفاعی ٹیکنالوجی میں مہارتوں کا استعارہ بن چکا ہے۔

دنیا کی تاجر برادری پاکستان کو ایک محفوظ ترین ٹرانزٹ سپاٹ سمجھ رہی ہے اور اس وقت سبز ہلالی پرچم کے حامل بحری جہاز سمندروں کے سکوت میں دنیا کی معیشت کی روانی کا واحد سہارا بن کر خطرات سے کھیلتے ہوئے اپنی سفارتی حکمت عملیوں کی بدولت بقا کی امید بنے ہوئے ہیں۔

اس تمام تر پزیرائی کے پیچھے مسلسل سفارتی کوششوں کا کردار بھی ہے مگر
اصل راز مئی میں ہندوستان کی اشتعال انگیزی کے جواب میں اس کی ٹھکائی ہے جو جنگی تاریخ میں ایک کامیاب کیس سٹڈی کا درجہ اختیار کر چکی ہے۔ فیلڈ مارشل کی جرات اور بہادری سے بھرپور جنگی حکمت عملی نے قوم کا سر فخر سے بلند کر دیا ہے۔

خوش کر دِتا ای ڈھول سپاہیا تینوں رب دیاں رکھاں۔


شائع کردہ بذریعہ

ہمارے قومی مسائل کا حل کیا ہے؟

میرے نزدیک ہمارے بیشتر مسائل کی جڑ ہماری سوچ ہے، جو عموماً ذات تک محدود رہتی ہے۔ ذاتی مفادات فطری ہیں، مگر خرابی اس وقت پیدا ہوتی ہے جب انہیں قومی اور اجتماعی مفادات پر فوقیت دی جائے۔ اسی سوچ کے باعث ہم نہ صرف اجتماعی مفاد کو نظر انداز کرتے ہیں بلکہ بسا اوقات اسے نقصان بھی پہنچاتے ہیں، جو ایک قوم بننے کی راہ میں بڑی رکاوٹ ہے۔ حقیقی قومی وحدت کے لیے ضروری ہے کہ ہم اپنی سوچ بدلیں اور اپنے اندر ملک اور اس کے وسائل کے ساتھ وابستگی اور ذمہ داری کا احساس پیدا کریں۔

میڈیا لنکس

میگزین